ԱԽԱԼՔԱԼԱՔ, «Ա-Ինֆօ».- Հոկտեմբեր 20ին ՀՕՄի Չաւախքի մասնաճիւղի պատասխանատուները այցելեցին Ադիգենի շրջանի Աբասթուման աւանի միջնակարգ դպրոց, ուր կը գործէ նաեւ հայկական բաժանմունք:
ՀՕՄականները Ադիգենի շրջանի միակ հայկական դպրոցի համար բազմաթիւ նուէրներ բերած էին, որոնք բաժնուեցան դպրոցի ոչ միայն հայկական, այլեւ վրացական բաժանմունքի աշակերտներուն եւ ուսուցիչներուն:
Հանդիպման ընթացքին ՀՕՄի ներկայացուցիչները խոստացան դպրոցին օգնել նաեւ ջեռուցման հարցով եւ որոշուեցաւ, իբրեւ հայ-վրացական համարկման ձգտման լաւագոյն օրինակ՝ այցելութիւն կազմակերպել Հայաստանի եւ Վրաստանի այլ շրջաններ: