ԵՐԵՒԱՆ, ՀՀ Նախագահի Մամլոյ Գրասենեակ.- Հաղորդած էինք, որ նախագահ Ռոպերթ Քոչարեան Հոկտեմբեր 30ին աշխատանքային այցով պիտի մեկնի Մոսկուա:
Երէկ հաղորդուեցաւ, որ նոյն օրը Քրեմլինի մէջ Հայաստանի նախագահը առանձնազրոյց պիտի ունենայ Ռուսիոյ իր պաշտօնակից Վլատիմիր Փութինի հետ:
Քոչարեան հանդիպումներ պիտի ունենայ նաեւ Ռուսիոյ վարչապետ Միխայէլ Ֆրատքովի եւ Մոսկուայի քաղաքապետ Եուրի Լուժքովի հետ:
Մոսկուայի մէջ նախագահ Քոչարեան պիտի մասնակցի երաժշտահան Արամ Խաչատուրեանի յուշարձանի բացման պաշտօնական արարողութեան: