ԵՐԵՒԱՆ, ՀՀ Նախագահի Մամլոյ Գրասենեակ.- Հայաստանի նախագահ Ռոպերթ Քոչարեան Յուլիս 11ին եռօրեայ աշխատանքային այցով մեկնեցաւ Ֆրանսա: Նախագահի գլխաւորած պատուիրակութեան մաս կը կազմեն արտաքին գործոց նախարար Վարդան Օսկանեան, Ֆրանսայի մէջ Հայաստանի դեսպան Էտուարտ Նալբանդեան եւ այլ պաշտօնատարներ:
Էլիզէի պալատին մէջ տեղի պիտի ունենայ Հայաստանի նախագահի հանդիպումը Ֆրանսայի նորընտիր նախագահ Նիքոլա Սարքոզիի հետ:
Նախագահ Քոչարեան հանդիպումներ պիտի ունենայ նաեւ Ֆրանսայի Ազգային ժողովի նախագահ Պեռնար Աքուայէի եւ Ծերակոյտի նախագահ Քրիսթիան Փոնսըլէի հետ:
Ֆրանսայի մէջ Հայաստանի տարուան ծիրէն ներս, նախագահ Քոչարեան եւ առաջին տիկինը պիտի այցելեն Փարիզի «Փոքր պալատ» թանգարանի «Հայկական գեղանկարչութիւնը 1830-1930» ցուցահանդէսը, ինչպէս նաեւ Լիւքսեմպուրկեան պալատի մէջ ժամանակակից հայ գեղանկարչութեան ցուցահանդէս: