ԹԻՖԼԻՍ, «Արմէնփրէս».- Վերականգնուած է մայրուղային կազի խողովակաշարի վնասներ կրած հատուածը, որ Վրաստանի տարածքէն ռուսական կազ կը տարանցէր Հայաստան: Այս մասին յայտնեց Վրաստանի քարիւղի եւ կազի ընկերութեան նախագահ Ալեքսանտր Խեթակուրին:
«Վնասուած հատուածն արդէն վերականգնուած է եւ այժմ դրա փորձարկումն է կատարւում», յայտարարեց Խեթակուրին եւ նշեց, որ հայ սպառողներուն բնական կազի մատակարարումը շուտով պիտի վերահաստատուի:
«Հայռուսկազարդ» ընկերութեան աղբիւրները յայտնեցին, որ կազի ներածման նախկին քանակի վերականգնման համար առնուազն մէկ օր անհրաժեշտ է:
Յիշեցնենք, որ Հայաստան ներածուող կազի հոսքը Դեկտեմբեր 17ի երեկոյեան դադրեցուած էր՝ Վրաստանի մէջ մայրուղային կազի խողովակաշարի արկածի ենթարկուելու պատճառով: Դեկտեմբեր 18ին վերականգնուած է պահեստային գիծով կազի մատակարարումը՝ ժամը 50 հազար խորանարդ մեթր ծաւալով: Նոյն ժամանակ օգտագործուած է Աբովեանի ստորգետնեայ պահեստակայանի կազը: Նշենք նաեւ, որ սպառողական շուկային մէջ կազի մատակարարման խախտում չէ եղած: