ՄՈՍԿՈՒԱ, «Ռոյթըրզ».- Քրեմլինի մէջ Երկուշաբթի, Մայիս 7ին տեղի ունեցաւ Մարտի նախագահական ընտրութեանց ընթացքին յաղթանակ արձանագրած Վլատիմիր Փութինի երդման արարողութիւնը:
Նախորդ նախագահ Տմիթրի Մետվետեւ նորընտիր նախագահին փոխանցեց նախագահական իշխանութեան խորհրդանիշը:
Երդման արարողութենէն ետք, Սահմանադրական դատարանի նախագահ Վալերի Զօրքին պաշտօնապէս Ռուսիոյ նախագահ հռչակեց Փութինը:
Փութին աւելի ուշ վարչապետ նշանակեց Մետվետեւը:
Այս մէկը պիտի ըլլայ Փութինի նախագահութեան երրորդ նստա-շրջանը, որ պիտի տեւէ վեց տարի:
Ան առաջին անգամ նախագահ ընտրուած է 2000ին եւ վերընտրուած՝ 2004ին, իսկ 2008ին նախագահ ընտրուած էր Մետվետեւը, որ Փութինը նշանակած էր վարչապետ: