ՄՈՍԿՈՒԱ, «Արմէնփրէս».- Կովկասը պիտի օժտուի հակաօդային պաշտպանութեան ռուս-հայկական տարածաշրջանային համակարգով: Այս մասին յայտարարեց Ռուսիոյ ռազմաօդային ուժերու գլխաւոր հրամանատարի՝ ԱՊՀի հակաօդային պաշտպանութեան միացեալ համակարգի գծով տեղակալ, զօրավար Այթեչ Պիժեւ:
Ռուս հրամանատարը նշեց, որ Փետրուար 17ին Երեւանի մէջ տեղի պիտի ունենայ ԱՊՀ երկիրներու հակաօդային պաշտպանութեան միացեալ համակարգի համակարգող յանձնաժողովի նիստը, ուր պիտի ներկայացուի Կովկասի հակաօդային պաշտպանութեան նոր եւ միասնական տարածաշրջանային համակարգը:
«Մենք ԱՊՀի երկրների ռազմաօդային ուժերին եւ ՀՕՊի բոլոր հրամանատարներին կը ծանօթացնենք նոր համակարգին, որի մէջ կը մտնեն Ռուսաստանի եւ Հայաստանի ռազմաօդային ուժերն ու ՀՕՊը», յայտարարծ է ան: