ԵՐԵՒԱՆ, «Արմէնփրէս».- ԵԱՀԿի նախագահութիւնը ստանձնելէն յետոյ, Սպանիոյ արտաքին գործոց նախարար Միկէլ Անխել Մորաթինոս կը ծրագրէ այցելել հարաւային Կովկաս:
ՀՀ արտաքին գործոց նախարար Վարդան Օսկանեան մամուլին յայտնեց, թէ Մ. Անխել Մորաթինոսը փափաք յայտնած է տարածաշրջան այցելել 2007ի առաջին եռամսեակին:
Յիշեցնենք, որ ԵԱՀԿ գործող նախագահ, Պելճիքայի արտաքին գործոց նախարար Քարել տը Կուխտը 2006ի Յունուարին այցելած էր Հայաստան, Վրաստան եւ Ատրպէյճան:
Սպանիա յառաջիկայ Յունուար 1ին պիտի ստանձնէ ԵԱՀԿի նախագահութիւնը: