ԵՐԵՒԱՆ, «Արմէնփրէս».- Նախագահ Ռոպերթ Քոչարեանի եւ ԵԱՀԿ Մինսքի խումբի համանախագահներու հանդիպումը տեղի պիտի ունենայ Յունուար 25ին: Այս մասին յայտնեց նախագահի մամլոյ խօսնակ Վիքթոր Սողոմոնեան եւ նշեց, որ համանախագահները Ռոպերթ Քոչարեանին հետ պիտի քննեն Մոսկուայի մէջ Յունուար 23ին Հայաստանի եւ Ատրպէյճանի արտաքին գործոց նախարարներու հանդիպման արդիւնքները:
Նշենք, որ Մինսքի խումբի համանախագահներ Եուրի Մերզլեաքով (Ռուսիա), Մէթիու Պրայզա (Միացեալ Նահանգներ) եւ Պեռնար Ֆասիէ (Ֆրանսա) կը ծրագրեն Հայաստան այցելել Յունուար 24ին, իսկ Լեռնային Ղարաբաղ այցելութիւնը կախեալ է կլիմայական պայմաններէն: