ՖԻՖԱն հրապարակեց աշխարհի ֆութպոլի ազգային խումբերու նոր դասաւորումը, ուր առաջին երեք դիրքերը գրաւող խումբերը՝ Արժանթին, Պրազիլ եւ Իտալիա, յաջորդաբար երկրորդ ամիսը ըլլալով մնացին իրենց դիրքերուն վրայ:
Հայաստանի ֆութպոլի ազգային խումբը, որ անցեալ ամիս կը գրաւէր 82րդ դիրքը, նահանջեց 90րդ դիրք:
«Եուէֆա»ին մաս կազմող 53 երկիրներուն շարքին այժմ Հայաստան կը գրաւէ 41րդ դիրքը:
Այս ամսուան դասաւորման մէջ մեծագոյն ոստումը արձանագրեց Պելոռուսի կազմը (34 դիրք), որ 94րդ դիրքէն 60րդ դիրք «ցատկեց»:
2007ի վերջին դասաւորումը պիտի հրապարակուի յառաջիկայ Դեկտեմբեր 17ին:
Ստորեւ կու տանք նոր դասաւորման առաջին տասը խումբերուն ցանկը (փակագիծերուն մէջ նշուած են անցեալ ամիս խումբերուն գրաւած դիրքերը).-
1.- (1) Արժանթին 1523
2.- (2) Պրազիլ 1502
3.- (3) Իտալիա 1498
4.- (6) Սպանիա 1349
5.- (5) Գերմանիա 1296
6.- (9) Չեխիա 1290
7.- (4) Ֆրանսա 1243
8.- (8) Փորթուկալ 1241
9.- (7) Հոլանտա 1170
10.- (10) Խրուաթիա 1129