ԿԼԷՆՏԷՅԼ, ՔԱԼԻՖՈՐՆԻԱ.- Միացեալ հայկական ֆոնտի 141րդ թռիչքը Երեւան հասաւ Դեկտեմբեր 9ին, փոխադրելով $5.7 միլիոն արժողութեամբ մարդասիրական օգնութիւն:
Այս թռիչքով, Միացեալ հայկական ֆոնտը իր կողմէ տրամադրեց $4.7 միլիոն արժողութեամբ դեղորայք եւ բժշկական պիտոյքներ, որոնց մեծամասնութիւնը նուիրած էին AmeriCares կազմակերպութիւնը ($476 միլիոն արժողութեամբ), Քանատայէն Health Partners International կազմակերպութիւնը ($64,000), Կաթողիկէ բժշկական առաքելութեան վարչութիւնը ($14,000) եւ MAP International կազմակերպութիւնը ($10,000):
Հետեւեալ կազմակերպութիւններն ու անհատները եւս ապրանքներ նուիրելով մասնակցեցան այս թռիչքին. Հայկական բարեգործական ընդհանուր միութիւնը ($300,000 արժողութեամբ), Pfizer Inc. ընկերութիւնը ($200,00), բժ. Սթիվըն Քաշեան ($69,000), Հայ աւետարանական առաքելութիւնը ($69,000), Յարութ Շանթիկեան ($51,000), Նորք-Մարաշ բժշկական կեդրոնը ($46,000) եւ Հայկական օգնութեան ֆոնտը ($46,000):
Թռիչքին մասնակցեցան նաեւ Ամերիկայի հայ աւետարանչական
ընկերակցութիւնը ($44,000), Հայաստանի Ամերիկեան համալսարանը ($33,000), Մեծն Բրիտանիայէն Brithlink կազմակերպութիւնը ($28,00), Հայ որբերու օգնութեան միութիւնը ($26,000), բժ. Սամուէլ Մալայեան ($19,000) եւ Հայ օգնութեան միութեան «Անի» մասնաճիւղը ($13,000):
1989էն ի վեր, Միացեալ հայկական ֆոնտը 141 թռիչքներով եւ 1392 ծովային արկղերով $456 միլիոն արժողութեամբ մարդասիրական նպաստ ուղարկած է Հայաստան:
Միացեալ հայկական ֆոնտը համատեղ աշխատանքն է Ամերիկայի Հայկական համագումարին, Հայկական բարեգործական ընդհանուր միութեան, Ամերիկայի հայ աւետարանչական ընկերակցութեան, Հայ օգնութեան միութեան, Հայաստանեայց եկեղեցւոյ Հիւսիսային Ամերիկայի առաջնորդարանին, Հայաստանեայց Առաքելական եկեղեցւոյ Ամերիկայի առաջնորդարանին եւ «Լինսի» հիմնարկին:
Յաւելեալ տեղեկութեան համար կը խնդրուի դիմել Միացեալ հայկական ֆոնտի գրասենեակ՝ 1101 North Pacific Avenue, Suite 301, Glendale, CA 91202 կամ հեռաձայնել 818 241-8900 թիւին:
